Vawiin Ni 24.03.2025 (Thawhtanni) hian World TB Day chu I&PR Conference Hall ah Kolasib DC Pu Robert C Lalhmangaiha'n a hmanpui. 

     He hun hi Sr. CMO Dr. RK Lalthlamuana'n a kaihruai a. TB umbo tum anih dan te leh hmalak dan hrang hrang te a tarlang. Pu RL Lalnunkima STS in Kolasib District performance report pe in TB hmuhchhuah dan leh enkawl dan te a sawifiah.

     Chief Guest Pu Robert C Lalhmangaiha'n thusawiin Mizo te thihna tamtak thlentu chu TB anih thu te, ngaihthah lova enkawlna ṭha tak lak a pawimawhna te a sawi bawk. Tin, TB damlo ten eitur tha an ei theih nan ṭanpuitu Nikshay Mitra ni tur in VC member kalkhawm te a sawm bawk.

     He hunah hian TB free Village inelna a lawmman latute hnenah Bronze leh Silver medal pek anni a. Kum 2024 chhungin Kolasib Dist VC 56 kan neih zing aṭangin VC 28 ten lawmman hi an dawng a, Bronze 17 leh Silver 11 hlan anni. Lawmman semna hi Pu Lalmalsawma Fanai DPPMC kaihhruaina hnuaiah Chief Guest in VC te hnenah a hlan a ni.