Ni 20.05.2025 (Thawhlehni) khan National TB Elimination Programme hmalakna in 100 Days Campaign on TB chu Pu Lalfamkima, Dy. Speaker/MLA chuan Chief Guest niin a hawng. 

     Launching Programme hi Dr RK Lalthlamuana Sr. CMO in a kaihrui a. He 100 days campaign chhung hian Kolasib district a Village Councils zawng zawngah Vulnerable linelist siam a ni a, Chung mite chu Chest Xray hmanga screening neih vek tur a ni. Sample zawng zawng hi NAAT hmanga test vek tur a ni. 

     Launching programme ah hian Chief Guest chuan thu sawiin TB natna hi tunhma chuan thinhrik anih thin zia te sawiin tunah chuan enkawlna tha tak a awm tawh thu a sawi. He Campaign hi tluang taka kal a, mipui ten tangkai taka hmang turin a chah bawk a ni.

     Hun hmanna ah hian Ni-kshay Mitra- TB damlo te eitur tha hmanga tanpuitute hnenah certificate hlan anni a, TB champion hnenah lawmpuina thuziak hlan bawk a ni. Tin, TB damlo hnenah Food basket Chief Guest hian a hlan nghal bawk a ni.

     Pu Lalmalsawma Fanai District PPM Coordinator in 100 Days Campaign chungchang sawifiahna hun a hmang bawk a ni.

     Programme hi Dr. Ramdinthari District TB Officer in lawmthu sawina hun hmangin khar a ni