Vawiin ni 29th September, 2025 (Thawhtanni) hian  Senior Chief Medical Officer hnuaia IPA Unit (DH/CHC/PHC) ten Internal Performance Agreement (IPA) review meeting a tawp nan Kolasib Hmarveng Presbyterian Kohhran Hall-ah an nei.

     He review meeting hi Pi Lalrinpuii, District Quality Manager (DQM) CMO office, Kolasib in kaihhruaiin, Dr. RK.Lalthlamuana, Sr.CMO in kalkhawmte lawmna thu a sawi a. Hemi zawh hian IPA unit hrang hrang District Hospital, Kolasib, Vairengte CHC, BIlkhawthlir PHC, Bairabi PHC, Kawnpui PHC, Lungdai PHC leh Bukpui PHC atang tein an dinhmun theuh report powerpoint presentation hmanga en niin, an hlawhtlinna hrang hrang, Damdawiin in hma nasa taka a sawnna te, thawktu leh hmanraw thar neih chungchangah leh faina leh thianghlimna kawngah te leh hmabak a an tih tur tam tak hmachhawpte ngaihthlakna hun hman a ni.

     IPA bik hi a tawp dawn tak a vangin hmachhawp tam takte pawh tihhlawhtlin theih loh a awm palh an hlau hle a, a bikin Damdawiin lamin thawktu indaihlohna avanga IPA sum hmanga an chhawrte chhawr chhunzawm a theih dawn tak loh avangin thawhktu indaih lohna a nasa ang tih a hlauhawm hle a ni.

     Tun dinhmunah hian Kolasib hnuaiah District Hospital leh PHC zawng zawng te NQAS Certified vek an ni tawh a, Vairengte CHC hi State Certification result nghah mek a ni. 

     Chawhnu lamah sawihona hun hman niin, programme hrang hranga harsatna te sut kian a nih theih nan Sr.CMO pawhin theih tawp chhuah turin kalkhawm te a fuih a ni. He hunah hian CHC/PHC atangin Medical officer leh IPA unit tin a committee member pahnih theuh an tel thei a. National Certified ni tawh te lawmpuina thuziak Sr.CMO leh Dy. CMO ten hlanna hun an hman zawhin Dr.Ramdinthari, Dy.CMO in lawmthu sawina neiin hun tih tawp a ni a, zanriah an kilho nghal a ni.