Bukpui PHC chu Kolasib District Health facilities-ah pahnihna a tan NQAS National Certified an ni ve ta a. Dr.C.Lalfakzuala, Medical officer leh a staff te thawhrimna leh Bukpui khawtlang hruaitute leh khaw mipuite tanrualna zarah result tha tak an nei thei hi an lawmpui awm tak zet a ni. Bukpui PHC rual hian Mamit District Hospital pawh National Certified an ni ve bawk. 

     He National Certified tur hian Ni 25th leh 26th April 2025 khan Dr Samipjyoti Bora leh Dr Sandeep Kumar Lathwal ten assessment hi rawn nei in ni hnih chhung an endik a ni. 

     Tun dinhmunah hian Mizoram ah NQAS Certified Damdawiin 19 kan nei tawh a, chungte chu : Aibawk PHC, Thingsulthliah PHC, Chawlhhmun UPHC, Haulawng PHC, Aizawl Civil Hospital, Lunglei Dist. Hospital, Champhai Dist. Hospital, Siaha Dist. Hospital, Phuaibuang PHC, Sialhawk PHC, ITI UPHC, East Lungdar PHC, Lawngtlai Dist. Hospital, Khawhai PHC, Phuldungsei PHC, Chhipphir PHC, Bilkhawthlir PHC, District Hospital Mamit leh Bukpui te hi an ni.