Vawiin ni 25th April, 2023 (Thawhlehni) hian Kolasib District hmun hrang hrangah World Malaria Day hun hman a ni. Kumin a Malaria Day thupui hi "Time to deliver zero malaria: invest, innovate, implement" a ni.

Kolasib Main Centre chuan kumina malaria case neihna hmun Tuithaveng HWC, Kolasib-ah School Principal te nen advocacy meeting neih a ni. Meeting-ah hian malaria chungchang a hriattur țul hrang hrangte inhrilh hriat a ni a. Naupangte-ah lo inzirtir tura ngen an ni bawk a ni. Tin,School hrang hrangah Malaria leaflet sem a ni a, poster te tar a ni bawk a ni.

Kolasib District chhunga Vairengte CHC, Bilkhawthlir, Bairabi, Kawnpui, Lungdai leh Bukpui PHC hnuaia Center hrang hrang ah te pawh World Malaria day hi hman a ni a, ASHA leh Health Worker leh Health Supervisor te in fuih tharna hmangin Malaria case a awm a Line list siam te, thisen la tha tura in fuih te leh mahni awmna theuh a Malaria invenna lam a vengchhung mipuite laka zirtirna uar lehzual pe tura in fuih tharna hun hman a ni. Hmun thenkhat-ah chuan Thisen test runpui neih a ni a, blood samplete la in, Malaria chungchang awareness te neih a ni a, hmun thenkhatah World Malaria Day Pualin School ah te Malaria Awareness neih a ni a, hemi pual vek hian Khawtlang mipui te hriat turin Malaria chungchang FLS ah puan tir niin, Leaflet te sem in Poster te tar a ni bawk.

Kawnpui PHC chuan he Malaria Day pual hian naupang kum 10 atanga kum 15 inkar tan Drawing competition an buatsaih a, lawmman pakhatna atanga pathumna thleng pawisa an pe a, tin, a tel zawng zawngte hnenah consolation prize an pe bawk a ni. Lawmman dawngtu te chu :

1st Position - E.Lalfankima,13 yrs., St.Thomas School, Kawnpui

2nd Position - Lalbiakhlui, Class IX, Govt.High School, Kawnpui

3rd Position - (i) Lalramdinpuii, D/o Josie Lalzidinga, Kawnpui Venglai

                      (ii) C.Malsawmkima, Class IV, St.Thomas School, Kawnpui