Vawiin ni 14th June 2023 (Nilaini) hian World Blood Donor Day 2023 chu Govt. C.Zakhuma Higher Secondary School, Kolasib ah hman a ni.

     He World Blood Donor Day 2023 programme hi Pu C.Vanlalzawma, Vice President, Association for Voluntary Blood Donation (AVDB), Kolasib Branch in a kaihruaia. Thupui "Give Blood, Give Plasma, Share Life, Share Often"  hman a ni a, thupui hi Khuallian Dr. Lalawmpuia Chhangte, Chief Medical Officer, Kolasib District in sawiin, Dam lo Thisen pek ngaite tana pawl leh mimal ten tlawngngaia thisen an pek thin avanga lawmthu te sawiin, thahnemngai taka thisen pe zel turin kalkhawm te a chah a ni  a ni. Tunah hian Kolasib District ah ISHTH campaign kalpui mek chungchang sawiin Jail tang leh home-a awm zah ve dawn chuan Hepatitis an vei tih a sawi a, nakinah Jail emaw home emaw atanga an lo chhuah hunah enkawl that a nih loh chuan a darh zui ang tih sawi a har a ti. HIV hi Kolasib hian dinhmun sang tak a luah thu leh hei hian nun fimkhur a tul zia a pawimawh tih a sawi a, kan ram hma khua kan ngaihtuah a ngai a, Thalaite hian nun hmang uluk ila, dam lohna kan nei a nih pawh in Health Department chu a inpeih reng a ni a ti.

     Dr. Zoremnghaki, Blood Bank Officer, District Hospital Kolasib hnen atangin dam lo ten thisen an mamawh dan te report ngaihthlak a ni. Pu Isak Vanlalhriata, Electric veng (Regular Blood Donor) hnen atangin Motivational Speech ngaihthlak a ni bawk.

     World Blood Donor Day hmannaah hian Ni 1.4.2022 atanga ni 31.3.2023 chhunga Thisen pe tam te hnenah Thuziak hlan a ni a. Kohhran pawl aṭangin - PYD Mizoram UPC , Kolasib District (134 units), Branch YMA-ah Hmarveng Banch YMA (49 units), School naupang-ah St John’s Higher Secondary School Kolasib NSS (80 units) niin, Mizoram Gorkha Youth Association, Kolasib (40 units) te an ni.

     Mal zai kham awmloh tak tak CZHSS zirlai te atangin ngiahthlak a ni a, Pu Laltanzuala, Secretary, AVDB, Kolasib Branch in vote of thanks a sawi a, programme hman zawh a nih hnu hian CZHSS zirlai te tan Voluntary Blood Donation Camp neih nghal a ni a, Hmeichhia 26, Mipa 45 an vaiin 71 in thisen hi an pe a ni.