Vawiin ni 18.7.2023(Thawhlehni) hian Kolasib Hmarveng Prebyterian Kohhran Hall-ah Kolasib District chhung a thlan bik HWC/SC/Clinics pali (4) heng : Venglai HWC, Tuithaveng HWC, Buhchangphai HWC leh College Veng Clinic hnuai thawktu HWO, HW, ASHA leh AWW te hnen Workshop on Intensified Mission Indradhanush (IMI) 5.0 neih a ni. 

           He Workshop-ah hian Dr. R.K Lalthlamuana, CMO Kolasib chuan Welcome Speech nei in IMI 5.0 kan tangkaipui theih dan leh a pawimawhna te, IMI kan neihna hmuh tur thlan dan te sawichhuak in, training tha tak a nei turin duhsakna a hlan. Tin, he workshop ah hian H. Lalenkawli, M&EO, MFM leh Alan Lalrelliana, CA, CMO office, Kolasib Dist. ten training pe in, trainee 45 awm tur an nih laiin mi 40 in training hi an tel thei a ni. 

           IMI 5.0 hi August thla a tan tur a ni a, round 3 thleng neih tur a ni a, hetiang hi a Round tih neih hun tur a timeline kan dawn a ni : 

1. August 7-11

2. September 11-15

3. October 9-13 ah te neih tur a ni.

          IMI 5.0 ah hian Infant (0-2yrs) leh Pregnant Women (Raipuar) te bak ah 2-5 yrs. Dropout leh Miss out ah te hmalak a ni dawn a, December 2023 a MR elimination ah district achievement ti sangtu a nih ngei theih nan Training uluk tak a neih niin, Overview of IMI 5.0 te, Head Count, Microplanning for IMI 5.0, Due list for IMI 5.0, Recording & Reporting chungchang topic te training ah hian in zirtir a ni. 

         JSI lam atanga kan mikhual H. Lalenkawli chuan training khai khawm nan Key Note leh RI effective a thawh a nih theih nan a thawktu te hmalakna tur te a in chah in Training tih tawp a ni.