Ni 18.12.2023 atanga tan, Viksit Bharat Sankalp Yatra (VBSY) Pragramme chu Kolasib District ah vawiin ni 26.1.2024 hian a tawp nan Bualpui leh Thingdawlah neih a ni a, Bualpui hmunah hian College of Nursing Synod Hospital, Dutlang a zirlai leh staff ten an rawn pui bawk a ni.

     A bul atangin he Programme hi Pu John L.T.Sanga, Deputy Commissioner, Kolasib District kaihhruaina hnuaiah he programme hi kalpui a ni a, line department hrang hrang (H&FW, AH&Vety, Agriculture, Fishery, Trade & Commerce, Water & Conservation, Bank, Rural Development, KVK, PHE, P&E) te an tel a ni. He programme hian a tum ber pakhat chu Sorkar hmalakna leh hamthatna te mipuiin kan hriat leh kan hman tangkai theih te leh kan hriat loh inhrilhhriatna a ni a, mipui lam atangin zawhna leh chhanna te pawh hman thin a ni.

     Kolasib District hnuaia khua zawng zawng (56) te chu he programme hian a tuamchhuak a. Health deptt. chuan natna thlanchhuah bik te atangin Health Camp (Checkup) neih a ni a, TB 5306 screen niin, mi 131 rinhlelh Khak exam tur a tih an ni a, NCD hnuaiah hian Thisen sang a rin mi 2961 screen niin mi 288 thisen sang hmuhchhuah an ni a, Zunthlum hi mi 2813 screen niin mi 181 zunthlum hmuhchhuah an ni. Tin, PMJAY hnuaiah Ayushman Cards (Golden Card kan tih mai) la nei lo mi 1446 siamsak an ni bawk.

     He programme a hlawhtlin theih nana Health Department, Kolasib District hnuaia CHC/PHC/HWC/SC hnuaia Senior Medical Officer / Medical Officer / HWO / HW leh Staff dang thawkchhuak zawng zawngte chungah Dr.R.K.Lalthlamuana, Sr.CMO chuan lawmthu a sawi a ni.