Ni 18.12.2024 atanga tan, Viksit Bharat Sankalp Yatra (VBSY) Pragramme chu Kolasib District ah pawh kalpui zel a ni.

     Pu John L.T.Sanga, Deputy Commissioner, Kolasib District kaihhruaina hnuaiah he programme hi kalpui zel a ni a, line department hrang hrang (H&FW, AH&Vety, Agriculture, Fishery, Trade & Commerce, Water & Conservation, Bank, Rural Development, KVK, PHE, P&E) te an tel a ni. He programme hian a tum ber pakhat chu Sorkar hmalakna leh hamthatna te mipuiin kan hriat leh kan hman tangkai theih te leh kan hriat loh inhrilhhriatna a ni a, mipui lam atangin zawhna leh chhanna te pawh hman a ni.

     Kolasib District hnuaia khua zawng zawng (54) te chu he programme hian a tuamchhuak dawn a, tun dinhmunah hian khua 27 tuam zawh tawh niin khaw 27 la tuam loh an la awm a ni.

     Health deptt. chuan natna thlanchhuah bik te atangin Health Camp (Checkup) neih a ni a, tun dinhmunah hian TB 2648 screen tawh niin, mi 53 rinhlelh an ni a, NCD hnuaiah hian Thisen sang a rin mi 1400 screen niin mi 112 hmuhchhuah an ni a, Zunthlum hi mi 1374 screen niin mi 66 zunthlum hmuhchhuah tawh an ni. Tin, PMJAY hnuaiah Ayushman Cards (Golden Card kan tih mai) la nei lo mi 674 siamsak an ni tawh bawk.

     He programme hi Central ministry in a ngai pawimawh a, Dt.8-9.1.2024 khan Pi V.Hekali Zhimomi, Addl. Secretary, MoH&FW, GoI chuan programme kan hmanna hmun New Builum leh Gosen Veng te rawn tlawhin a rawn endik a ni. Tin, Dt.11.1.2024 khan Pu Devender Kumar Nim, Jt. Secretary, MoH&FW, NHRC, GoI chu Saihapui 'K' ah rawn kalin VBSY kan kalpui dan a rawn endik bawk a ni.

     Rokhawlhna dang a awm loh chuan he programme hi Dt.26.1.2024 ah neih zawh tum a ni.