Vawiin ni 17th March, 2023 (Zirtawpni) hian Ayushman Bharat Digital Mission (ABDM) 4th Batch training neih a ni a, Vairengte CHC hnuai leh Bilkhawthlir PHC hnuaia Medical Officer, Health & Wellness Officer, Health Worker, Block Accounts Managers te leh Pharmacist te hnenah training pek an ni. 

He Training hi Dr. Zoremmawia, Medical Officer, Vairengte CHC in a kaihruai a. Lalsangkimi Zote, District Programme Manager (NHM) in welcome speech sawiin ABDM in a tum ber chu mipuiten Health service awlsam taka an neih theih nan leh Health infrastructure hmasawn na tur te, health facility ten harsatna an neih awlsam tak a chinfel a nih theih nan te leh health service providers ten patient te dinhmun dik tak patient history awlsam taka an en zung zung theih nan a ni. ABDM hi mipui te harsatna chinfel nan leh service providers te harsatna chingfeltu tur a nih thu a sawi a ni.

Training hi Pu Vanlalawmpuia Chhakchhuak, State Nodal Officer, ABDM leh Pi Matilda Lalramchangi, Project Coordinator, ABDM te bakah Kolasib District ABDM Team aṭangin Jessy Lalrinfela, District Data Manager (NHM) leh F. Zothankima, Statistical Assistant (NHM) ten he hunah hian Training an pe a ni.

Tihian Mizoram ah Kolasib District hi training pe thei hmasa ber kan ni a, tluang tak leh tha tak a training neih a nih theih nan a Chief Medical Officer, Kolasib District leh a staff te inpeknaah State ABDM te an lawm hle a ni.