Ni 15.02.2024 (Thursday) chawhnu khan National Tobacco Control Programme, Kolasib te chuan kum tin anlo tih thin angin School of Nursing Thingdawl, New Batch te hnenah Vaihlo zuk leh hmuam chungchang zirtirna an pe.

     He hunah hian ZT Vawra Hmar, District Consultant chuan COTPA dan hrang hrangte a zirtir a. Emmanuel R.Hmingthantluanga, Psychologist chuan Vaihlo zuk leh hmuam in taksa a khawih chhiat theih dan hrang hrangte a zirtir bawk. Tunlai Gutkha product lar em em Shikhar chungchang chiang lehzual zawk a inzirtirna neih nghal bawk niin, addict a awlsawm zia leh shikhar siamna ingredient tam zawkte hi carcinogenic chemical pai vek annih thu te sawi lan a ni bawk.