Nimin ni 24.4.2024 (Nilaini) khan I&PR Auditorium, Kolasib-ah Dr. RK.Lalthlamuana, Sr. CMO kaihhruaina hnuaiah TB Free Village te hnenah lawmman sem a ni.

     He hunah hmannaah hian Pu John LT Sanga Deputy Commissioner, Kolasib District chu khuallian niin hun a hmanpui a. Pu R.Lalrammuana'n Dist performance leh TB chungchang zirtirna hun a hmang a. Pu Lalmalsawma Fanai, DPPMC, CMO office, Kolasib  chuan TB Free village endik dan leh kalphung te sawilanna hun a neih hnuah Kolasib District a VC 56 awm zingah TB vei awmlohna khua VC 14 te hnenah  lawmman semna hun hman a ni. Lawmman hi DC  leh Pu Lalhmingmawia, DLAO ten an hlan a ni.

     TB free Village a puan te chu :

1. Zanlawn
2. Serkhan
3. N.Chaltlang - I
4. N. Chaltlang - II
5. Bukpui
6. Thingthelh
7. Buhchangphai
8. Saihapui 'K'
9. Pangbalkawn
10. Meidum
11. Phaisen
12. Saihapui 'V'
13. N.Chawnpui
14. Saipum