Nimin khan Sr. CMO office chamber, Kolasib ah Dr.R.K.Lalthlamuana, Sr.CMO, Dr.Saichhingpuii Sailo,Dy. CMO leh Kolasib District chhunga CHC leh PHC Medical Officers te nen meeting neih a ni. He hunah hian IPPI Review, NCD – 100 days campaign on cancer screening leh TB Free Village chungchang te review a ni.

     TB Free village leh Presumptive test neih tam a ṭul dan te sawi ho a ni. TB umbo tum anih avangin Village level aṭanga TB Free hmalakna neih ani a. Kum 2023 atan TB free VC turin VC 14 ten claim an ron submit a. Endik na pawh zawh fel tawh a ni. World TB Day 24 March 2024 ah lawmman sem ani ang. TB hmu chhuak tam tur chuan test neih tam angaih thu sawilan a ni a. VC wise a test ngaizat target siamte pha ngei turin hmalak chhunzawm nise, target khum ngei turin Sr. CMO hian a chah bok a ni.

     District Population Based Screening Report review neih a ni bawk a, kan Medical Officers te an bial theuhah 100% la tling lo te theihtawp chhuah a March thla tawp hma a zo hman vek turin centerte invil a inhriattir turin ngen a ni. Cancer day February 4th denchhen a DO letter kan hmuh bawhzuina in 100 Thousand Women Cancer Screeining neih tur chungchang relhona neih a ni a, sum lo la lut tur nghah ala ngaih rualin kan screening neihna tur bungruate State lam atanga lo thleng tur nghah a ni bawk. Karleh lamah chuan bungrua leh sum hna thawhna tur nen neih theih beiseiin mahni bial theuh a report leh female population te inpe lote lo in zir chiang tur tih an ni.

     Ni 5.3.2024 atanga Zenghri Umbo beihpui (IPPI) neih chungchang a hmalakna te sawiho a ni a, Naupang Kum 5 hnuailam 8915 vaccine pek an ni a, Traget beneficiaries hi 8389 a ni a, 106% in khum a ni.