Vawiin Ni 21st April 2023 (Zirtawpni) hian Mizoram Health Systems Strengthening Project (MHSSP) a Component pakhat, Internal Performance Agreement (IPA) hmalakna in, District Health Team, CMO Office, Kolasib chuan Speciality Health Camp Bukpui PHC-ah buatsaih a ni.

He Speciality Health Camp-ah hian Specialist 3 kal in, Dr. Samuel Lalfakawma Fanai, DMS (Pediatric Specialist), Dr. HC Lalnunhlua (Medicine Specialist), Dr. Robert Lalfakzuala (Ortho Specialist) leh Team te an kal a ni. Damlo inentir zawng zawng te an vaiin 67 lai an ni a. Khawtlang mipui in an hlut in damlo ten an hlawkpui hle a ni. 

MHSSP in a tum pakhat chu damlo te tan a hlawkthlak leh an senso tih tlem na kawng zawn a ni a. Hei hi IPA Committee, District Health Team, CMO Office Kolasib chuan hre rengin, damlo te tan a pan awlsam tur in Doctor te kaltir turin ruahmanna a siam a, tin, an mamawh phuhruk nan Doctor-in damlo damdawi a chawh te damlo hnenah a thlawn a pek a ni bawk. Doctor te pawhin an phurpui avang in Specialist leh Team te chungah pawh IPA Committee chuan lawmthu a sawi bawk a ni.