Vawiin Ni 14th June 2023 (Nilaini) hian Mizoram Health Systems Strengthening Project (MHSSP) a Component pakhat, District Health Team, Internal Performance Agreement (IPA) Committee hmalakna in, District Health Team, CMO Office Kolasib chuan Speciality Health Camp Vairengte CHC-ah buatsaih a ni.

        He Speciality Health Camp-ah hian Specialist 1, Dr. Zochampuia (Surgeon) leh Lab. Technichian leh Staff Nurse te an kal a ni. Damlo inentir zawng zawng te an vaiin 25 niin, Male -7, Female -14, FC -2, MC -2 te an ni a, kum 30 chung lam te NCD screening neih a ni bawk a, Vairengte CHC Doctor te leh Medical staff ten a theih ang angin an lo pui bawk a, khawtlang mipui in an hlut in damlo ten an hlawkpui hle a ni. 

        MHSSP in a tum pakhat chu damlo te tan a hlawkthlak leh an senso tih tlemna kawng zawn a ni a. Hei hi IPA Committee, District Health Team, CMO Office Kolasib chuan hre rengin, damlote tana pan awlsam turin Doctor te kaltir turin ruahmanna a siam a, tin, an mamawh phuhruk nan Doctor-in damlo damdawi a chawh te damlo hnenah a thlawn a pek a ni bawk. Doctor te pawhin an phurpui avang in Specialist leh Team te chungah pawh District Health Team, IPA Committee, CMO Office Kolasib chuan lawmthu a sawi bawk a ni.