Vawiin Ni 4th May 2023 (Ningani) hian Mizoram Health Systems Strengthening Project (MHSSP) a Component pakhat, District Health Team, Internal Performance Agreement (IPA) Committee hmalakna in, District Health Team, CMO Office Kolasib leh MMU tangkawp chuan Speciality Health Camp Bairabi PHC-ah buatsaih a ni.

        He Speciality Health Camp-ah hian Specialist 2 kal in, Dr. Samuel Lalfakawma Fanai, DMS (Pediatrician) leh Dr. C. Lalduhsaka (Gynaecologist) leh MMU Team te an kal a ni. Damlo inentir zawng zawng te an vaiin 76 niin, Gynae- 48, Paedia- 20 leh General-8 an en a, mi 38 kum 30 chung lam te NCD screening neih a ni bawk a, khawtlang mipui in an hlut in damlo ten an hlawkpui hle a ni. 

        MHSSP in a tum pakhat chu damlo te tan a hlawkthlak leh an senso tih tlemna kawng zawn a ni a. Hei hi IPA Committee, District Health Team, CMO Office Kolasib chuan hre rengin, damlote tana pan awlsam turin Doctor te kaltir turin ruahmanna a siam a, tin, an mamawh phuhruk nan Doctor-in damlo damdawi a chawh te damlo hnenah a thlawn a pek a ni bawk. Doctor te pawhin an phurpui avang in Specialist leh Team te chungah pawh District Health Team, IPA Committee, CMO Office Kolasib chuan lawmthu a sawi bawk a ni.