Vawiin ni 11th May, 2023 hian, Manipur buai avanga an sa himna zawng a kan unau Mizoram a rawn raltlan, Kolasib Rengtekawn Community Hall a Camp a awm mek te chu an hriselna endiksak an ni.

       He Refugee camp-a Health Check-up neihnaah hian Dr. RK.Lalthlamuana, Senior Medical Officer chu Team Leader a ni a, ani bakah hian Mobile Medical Unit (NHM) Kolasib te, Malaria staff te leh TB staff ten health check-up hi an nei a, mi 48 check-up niin raipuar 2 an tel a, TB screen sak vek an ni a, Malaria an vei leh veiloh mi 11 te thisen laksak a ni bawk.

       Tun dinhmunah hian he Refugee Camp-ah hian mi 119 an awm mek a ni. Vawiina Health Deptt. kal te hi an vaiin mi 15 an ni.