Nimin ni 16 May, 2024 (Ningani) khan MHSSP hmalakna in District Health Team, Kolasib District chuan One Day Training on Health Management Information System leh Drugs & Vaccine Districbution Management System (DVDMS) Kolasib Hmarveng Kohhran Hallah a buatsaih.

     Deputy Chief Medical Officer, Dr. Saichhingpuii Sailo hnen atangin Welcome Speech a sawi a, training tan nghal a ni.

     Session hnihah training hi then a ni a, 1st Session ah Resource Person, Jessy Lalrinfela, District Data Manager (NHM) chuan HMIS portal chungchangah presentation neih pahin trainee te online practical session a neihpui a ni. He training ah hian District Hospital, CHC, PHC, HWC, SC leh CMO Office atangin participant  60 an tel a. 

     Second Session ah hian Resource Person Dr. Mary Zohmingliani, SNO, DVDMS, leh PC. Laltlanzuala, Project Manager, DVDMS, an ni a. Dr. Mary hian DVDMS chungchangah presentation neiin, PC Laltlanzuala kaihhruaina in trainee ten portal chungchangah online practical session an nei bawk.

     Hun tawp lamah Dr.RK.Lalthlamuana, Senior Chief Medical Officer in trainee te Certificate a hlan a, certificate hlanna neih zawh a nih hnuin Vote of Thanks a sawi a, training hi tih tawp a ni.