Vawiin ni 21st June, 2023 (Nilaini) hian Kolasib Hmarveng Presbyterian Kohhran Hall-ah Kolasib District hnuaia Damdawiin hrang hrang District Hospital/CHC/PHC a thawktu mi 24; Medical officer, Staff Nurse, Lab. Technician, Pharmacist te hnenah National Quality Assurance Standards (NQAS) Training pek a ni a, Resource Person atan Dr. KT. Lalrammawia, State Consultant (PH) Quality Assurance, NHM hman a ni.

     He training hi Julie Lalawmawii, District Quality Manager, CMO office Kolasib in a kaihruaia, Dr. Lalawmpuia Chhangte, CMO, Kolasib District in welcome speech sawiin; training tha tak nei turin leh kan Damdawi In te tun aia tha leh quality nei thei tura zirchhuak turin kalkhawm te a fuih a ni. Kevin Remnalala, UDC CMO office, Kolasib hnen atangin Office Conduct rule te ngaihthlak a ni bawk.

     Resource Person Dr. KT. Lalrammawia, State Consultant (PH) Quality Assurance, NHM hnen atangin NQAS in a thil tum te sawi hmasain, India ram hmun hrang hrangah Sawrkar Damdawi In in Quality pawimawhzia thawktuten an hriatchian avang leh thawktute nasa tana tan an lak avangin dam lo te pawn Sorkar damdawiin an pan nasat tawh zia te a sawi a, training hun hma lamah pre test te neih a ni a, Kolasib District chhunga kan Damdawi In department hrang hrang a thawktu te hmasawnna kan neih dan turte inhrilhhriat a ni. Training hun tawp lamah group activities te neih niin post test te neih a ni a, training a kal ten hlawkthlak an tiin, hmasawnna tam tak Damdawi In tan an zirchhuah ngei an inring a ni.

     Hun tawp ah Dr. RK.Lalthlamuana, SMO, Kolasib in lawmthu sawiin, training tha tak an neih theih avanga thawktute inpekna leh Resource Person paw'n thahnem ngai taka hun a hman avangin lawmthu a sawi a, lawmthu sawi zawh hnuin he NQAS training hi tih tawp a ni.