Vawiin ni 10th August 2023 (Ningani) dar 11:30 Am hian National Deworming Day launching programme chu Govt. Kolasib High School-ah hman a ni.

     He hun hi F. Lalremsangi, DEIC Manager CMO office, Kolasib chuan kaihruaiin Dr. RK Lalthlamuana Sr. CMO chuan NDD leh a kaihhnawih pawimawh dang te sawina hun a hmang a. Sr. CMO hian hun a hman zawh hnuin Pi Lalthlengkimi, DPO W&CD (NDD Coordination committee a mi) chuan NDD chungchang a thu pawimawh te sawina hun a hmang leh a ni. Hemi hnu hian chairman in lawmthu sawina hun a hmangin Programme khar nan Sr. CMO Dr. RK Lalthlamuana hian a hmunah zirlai hnenah Albendazole damdawi hi ei tirin Zirlai naupang dangte hnenah damdawi sem chhuah zui nghal a ni.

     NDD August 2023 atan hian Kolasib District target beneficiaries chu 29931 niin NDD hi 10th August 2023 ah hman vek tur a ni a. Rokhawlna avang a hemi ni a damdawi ei hman lo te chu 17th August 2023 ah eitir vek tur a ni bawk.