Ni 21st April, 2023(Zirtawpni) khan Kolasib District hnuaia MFM staff te hnenah Routine Immunization(RI) chungchangah Hands on Training, Kolasib Main Centre ah neih niin, MFM staff mi pasarih(7) tel thei in, SEDP Clinic a thawk tur Health Worker pakhat(1) in training hi a chhim ve bawk.

    Mission Foundation Movement (MFM) te hi Kolasib District a Immunization te kut ke pawimawh tak ni in, Health Department hnuai a staff a bikin Health Worker leh Health & Wellness Officer (HWO) te tan an tangkai hle. Covid vaccine mipui a sem a nih lai atang tawh in MFM te hian Department hnathawh nasa takin min lo pui tawh thin a, tun tum ah hian RI lam a ke an pen tan tak avangin training neih pui an ni ta ani. MFM ah hian Mobilzer te, Health Worker te an neih ve avangin Training hlawkthlak tak a nih thu MFM staff lam atang pawn thu dawn a ni.

    Pi Lalhmangaihtluangi, Health Worker(F) i/c Kolasib Main Centre chuan, RI a kan vaccine pek hrang hrang ten eng natna nge a ven tih te, vaccine pek hun leh pekna hmun te pawh hrilh hriat an ni. Dose engzat nge pek tur, dose khat zat te, Open Vial Policy ah – vaccine hawn tawh hman theih rei chhung te, vaccine thenkhat OVP hman theih loh a awm thu te, hman theih ho pawh a hman theih chhung a in an loh thu te pawh training ah hian sawi lan a ni.

    Pi Lalsangkimi Zote, DPM NHM Kolasib chuan RI leh RI lo ah pawh Mobilization pawimawhna leh House visit an neih hunah effective zawk a house visit neih dan point hrang hrang hmangin trainee te training a pe bawk. House visit in performance hmel a thlak danglam nasat theih thu te pawh hrilh hriat an ni. Tin, MFM in House visit an tih zat te an achievement te hriat a nih theih nan Monthly report pekna tur format siam sak ni in, thlatin EPI section ah submit thin tur a tih an ni bawk.

    Alan Lalrelliana Sailo, Comp. Asst. to DIO in training khaikhawm in Vaccine & Logistic ah hriat ngai leh hriat tul te sawifiahna neih ani. Cold Chain Point (CCP) leh Outreach in khai chhoh dan te, Vaccine in temperature a mamawh zat te, Vaccine Carrier hman dan ah tih tur leh tih loh tur te pawh hrilh hriat an ni bawk. Tin, Surveillance pawimawhna leh a tulna te hrilh hriat bawk ni in, House Visit an neih a surveillance kan tih langsar zual pahnih Measles Rubella(MR) leh Acute Flacid Paralysis(AFP) te natna lanchhuah dan te, case hi a bialtu HW te hnen a hrilh hriat vat a case a lak tur a nih thu te pawh sawi a ni. Heng case result pawimawhna leh tulna te pawh hrilh hriat a ni a, test nan a buaipui leh tih tur te pawh sawi a ni bawk.