September 11, 2023 (Thawhtanni) khan 10th Mizoram State ‘Anti-Tobacco Day' anih angin Kolasib-ah chuan Hmarveng High School-ah zuk leh hmuam that lohzia inzirtirna hun hman niin, he hun hi Dr. RK. Lalthlamuana Sr. Chief Medical Officer, Kolasib in a kaihhruai a ni. 

     Emmanuel R.Hmingthantluanga, Psychologist NTCP in Vaihloin hriselna kawnga nghawng ṭhalo a neih theih dan inzirtirna neiin zuk leh hmuam laka zirlai leh zirtirtute chu filhlim turin a chah a, Zirna in te chu sawrkar danin Vaihlo laka an fihlim a phût thu a sawi a, zirna in atanga Yard 100 a hnaiah vaihhlo leh a kaihhnawih zawrh khap tlat anih thu a sawi a. Vaihlo zuk leh hmuam laka filhlim duhte an tanpui dan leh sim duhte tan ṭanpuina a awm reng thu a sawi bawk.

     He hunah hian Rosie Hmingthanmawii Khiangte, Tobacco Monitor, Hmarveng High School kaihhruainain Vaihlo leh a kaihnawih laka filhlim tura intiamna neih a ni bawk a ni.