Nimin 5th March, 2024 khan Mizoram hmun dang rual in Kolasib District ah pawh Zenghri Umbo Beihpui thlakna neih tan a ni a, nimin khan Booth, Transit leh HRA ah naupang 7744 te hnen ah pek hman a ni.

     Vawiin 6th March, 2024 atang hian Booth a duty team ten an bial theuhah in tin luhchhuah in, a dawng tur naupang (Beneficiary) ten an dawn kim ngei theih nan House-to-House a kal niin, PHC/CHC block hrang hrang a Booth Team ten an bial in then dan in an kalpui a ni. Vawiinah hian House visit an neihah hian In 18037 kal chhuak in naupang kum 5 hnuailam zenghri danna nimin lama la pek loh mi 999 an pe leh a, nimin lama pek te nen naupang kum 5 hnuailam 8743 pek an ni tawh a, naktuk hian house to house hi chhunzawm a ni ang.

     House to House ah hian naupang vaccine la lote chauh zawng lo in, an area in awm zawng zawng ah naupang vaccine la tur an awm leh awm loh te zawhfiah a survey neih nghal a ni. Tin, House-to-House tih pah hian District pumpui Population survey neih nghal a ni a Survey format hmangin thawktute hian survey an nei nghal a ni.