Intensified Mission Indradhanush (IMI) 5.0 hi thla hmasa August, 2023 atang khan Mizoram pum ah neih tan niin, Kolasib District ah pawh 1st round zawh tawh niin 11th -13th September, 2023 chhungin, district chhung hmun pakua (9) ah session neih a ni.                             

     IMI session nehna hmun pakua te hi Kolasib Main Centre hnuai a HWC/SC leh Clinics hnuaiah te neih niin a hnuai a mite hi an ni : 1. College Veng Clinic, 2. Venglai SC, 3. Project Veng Clinic, 4. Venglai East, 5. Tuithaveng SC, 6. Saidan clinic, 7. Buhchangphai Sc, 8. Bukvannei clinic, 9. Saihapui clinic, ah te neih a ni.

     IMI 5.0 neihna hmunah hian survey neih vek a ni a, heting hi 2nd round a target kan neih dan leh kan achievement a ni :

     Infant : 0-1yrs ah naupang 92, 1-2yrs ah 33 leh 2-5yrs ah 36 te niin heng target atang hian 0-1yrs ah 73, 1-2yrs ah 26 leh 2-5yrs ah naupang 20 te hnenah vaccine pek a ni. IMI hi vaccine la tha lo te zawh chhuah na hun a nih angin vaccine la kimlo (A chhan hrang hrang a awm, refused, damlo, zinbo leh a dangte) te hi vaccine pek tur target ah hian an tel avangin 100% pek theih an ni lo. Measles Rubella (MR) (Sentut) kan tih mai hi India ram atang kumin December, 2023 hian eliminate (umbo) tum a nih avangin MR vaccine (1st & 2nd) dose lak zat hi 95% tal an nih a ngaih avangin uluk tak a la lo te zawn chhuah niin, a tam thei ang ber pek tum a ni ah 2nd round ah pawh hian MR1 ah 35 leh MR2 ah 24 te kan target a nih laiin, MR1 ah hian naupang 21 leh MR2 ah naupang 23 te chauh chiu theih an ni (La lo te hi refused, damlo leh zinbo te an ni. Tin, IMI ah hian Nu (Naupai) te hnenah pawh vaccine pek thin a ni na, 2nd round ah hian Naupai target hi 32 niin, Nu (Naupai) vaccine pek hi mi 32 bawk pek niin, target a mi zawng zawng chiu thei lo mahse naupai thar an awm ve zel avangin target hi phak thei kan ni.

     IMI 5.0 hlawhtlin taka kalpui a nih theihna kawngah field worker te - HWO, HW leh ASHA te an hah hle a, an ni thawhrimna zarah felfai taka 2nd round zawh a ni a, thla thar ni 9-13.October, 2023 hian Kolasib Dist. ah leh Mizoram pumah 3rd round neih leh tur a ni ang.