Ni 20.03.2024 (Nilaini) hian Govt. Kolasib College a Capacity Building Committee & Health Care Committee te chuan Final Semester te pual bik in One Day Seminar on "Life Skills Development" an huaihawt sak a. Hemi Seminar ah hian Emmanuel R.Hmingthantluanga, Psychologist, NTCP chu Resource Person niin "Impact of Social Media on Mental Health" tih thupui hmang in zirlaite hnenah zirtirna a pe.

     Social media chu hmasawnna/changkanna in a ken tel, zirlaite tan a thil tangkai leh pawimawh tak ni si, hman dikloh leh hman nasat lutuk in rilru lam harsatna chi hrang hrang (entirnan Depression, Body image issue, low self-esteem, sleep deprivation, addiction leh a dangte) a thlen theih dan te a sawi lang bawk a ni.

     He hunah hian Govt. Kolasib College Final Semester zirlai leh thawktu mi 170 bawr an tel thei a ni.