Vawiin ni 23.10.2023 (Thawhtanni) hian Mizoram Health System Strengthening Project (MHSSP) bul tumin Sr.CMO office, Kolasib ah Fire Safety & Emergency training neih a ni a, Fire & Emergency Service Department atangin staff panga ten training hi an pe a ni.

     Training hi Dr.RK.Lalthlamuana, Sr.CMO in kaihruaiin, welcome speech a neih hnuin Fire & Emergency Service staff ten training hi an pe nghal a ni. Pu Vanlalruala, LFM, F&ES chuan Kangmei lo chhuah huna awm dan tur leh tih tur leh tihloh turte a sawi a. Pu Ramtiammawia, FM leh Simon Lalruatkima, FM ten Kangthelhna hmanrua (Fire Extinguisher) hnathawh dan leh a hman dan te theory a zirtirna an pe a, theory a zirtirna pek a nih hnuin practical in Fire Extinguisher hmangin kang thelh dan zirtirna an pe leh ngal a ni.

     He hunah hian Sr.CMO office staffs zawng zawng te telin, rik rum thil leh khuarel chhiatna lo thleng thei laka inven dan zirtirna pek an ni bawk a ni.

     MHSSP in a tum ber chu Medical Staff te training hmanga Capacity building tih that a ni a, hei lo pawh hi training dang buatsaih tum zel a ni.