Vawiin ni 22.6.2023 (Ningani) hian DC Circuit House Conference Hall, Kolasib-ah, Distrist Task Force on Immunization (DTFI) meeting neih a ni a, DTFI Chairman leh DC Kolasib ni bawk, Pu John LT Sanga'n he meeting hi kaihhruaiin meeting-ah hian Agenda a hnuai a mi te hi sawi ho a ni: 

   1. Member Secy. Dr. Lalawmpuia Chhangte, CMO Kolasib Dist. chuan, SID on HRA (Round 1-6) achievement report pe in enho a ni a,  line dept. hrang hrang te chungah Health Dept. chuan lawmthu a sawi tak meuh meuh thu sawiin, thawhhopuiah leh puih kan ngaihna lai zawn a min pui bawm zel turin member kalkhawm te sawm in thawhho zel a hmasawn ho zel turin committee member te a chah a ni.

   2. Measles & Rubella (MR) vaccines khaikhinna neih tum chu HMIS portal lam siamthat a nih avangin, 2022-2023 achievement tarlan niin, MR1 - 1457 (89.66%) niin, MR2 - 1321 (81.29%) pek a ni. 

     He agenda ah hian MR Elimination @Dec 2023 sawi lan a ni a, hei hian criteria pahnih a nei a, 95% of MR vaccines (MR1 & MR2) by the Dist. leh surveillence ah hian 2 cases per lakh nei tur anga ngaih kan ni. Khing criteria 2 te khi kan nei/khum thei a nih chuan MR eliminate thei dist. kan ni dawn tihna a ni.

     He agenda ah hian Dr. R.K Lalthlamuana, District Immunization Officer (DIO) chuan committee-ah ngenna siam in, MR Elimination chungchang-ah Anganwadi Centre-ah naupang kum 5 hnuailam tam MR vaccine Campaign Dose neih ni se ti a a rawt chu sawiho a nih hnuah, Health Department leh WCD/ICDS lam ten ruahhman na lo siam dun tur a tih an ni.

     3. Kan vaccine pek ten hma a sawn a rah duhawm a chhuah theih nan, Kolasib District Immunization Officer, Medical Officer leh CA ten RI monitoring an nei thin a, hma kan sawn pui in kan hmang tangkai hle. Monitoring hi DIO in Kolasib Main Centre hnuai, Bairabi, Bilkhawthlir leh Kawnpui a SC te a monitor thu ngaihthlak a ni.

     Monitoring hi Mizoram pumah Kolasib Dist. hi a kalpui awmchhun leh ti tha kan ni a, chhunzawm zel tur leh uluk taka RI session te monitor zel turin Committee chuan MO te a beisei bawk.

     4. Weekly surveillence chu a hma a sawi tawh ang in, Natna hrik kan nei tawh lo e ti a huai taka kan tan theih na tur atana hmanraw pawimawh tak a nih avangin Health department hnuaiah thuang hnih a kalpui niin, IDSP leh EPI ten an kalpui thin a, District Weekly Review nei in IDSP hian IHIP portal hmangin case an report chu EPI leh WHO lam atang case investigate a sample test tur a thawn thin a ni. Weekly surveillence ah hian MR, AFP leh Diptheria te case investigation tih thin a ni. Tun thleng hian MR 3 + 1(Tukin 22.6.2023 a sample lak) neih tawh a ni a, AFP hi case khat kan nei tawh bawk a, Diptheria hi case kan la nei lo a ni. 

     Routine immunization hi Mission Foundation Movement (MFM) ten Kolasib Dist. chhung a khaw (Sub-Centre) pathum buhchangphai SC, Parkkawn/Venglai SC leh Bilkhawthlir SC min pui thin dawn a, mobilization leh vaccination ah hma kan sawn pui ngei kan beisei thu ngaithlak chhunzawm niin, CMO chuan line department te nen co-ordination tha tak kan neih theih zel nan leh Health Dept. mai ni lo a district anga hmasawn na kan hmuh ngei theih nan member te a sawm in a ngen bawk a ni.