Vawiin ni 21.3.2025 (Zirtawpni) hian District Health Team, Kolasib chuan Bilkhawthlir PHC an tlawh a, BIlkhawthlir PHC hi karthar ni 28 leh 29 hian National Quality Assurance Standard (NQAS) Certified an hmachhawn dawn a ni.

     NQAS hi India rama Damdawiin tha, fai leh thianghlim, a nihna tur anga tehna hrang hranga endikna a ni a, tunah hian Bilkhawthlir PHC hi State Certified a ni tawh a, National Certified turin an inbuatsaih mup mup mek a ni.

     Vawiina hun hmannaah hian Dr. Lalchhanhima Hmar, Medical Officer BIlkhawthlir PHC in kaihhruaiin, Dr.RK.Lalthlamuana, Sr. CMO in NQAS inbuatsaihna atana tul leh pawimawh te a sawi a. He hunah hian Pu PC.Laldinpuia, VCP Bilkhawthlir South, Pu TBC Malsawmtluanga, Vice VCP, Bilkhawthlir North, Pu F. Zothanpuia, Jt.YMA aiawh leh MHIP aiawhten thusawina hun te neiin, PHC thawktu te nena thawhhona an neih that zia te, khawtlangin theihtawp chhuahpui an inhuam thute an sawi a, hun hmasa lamah pawh khawtlangin hnatlangin Damdawiin leh a vel te lo tihfaisak thin in, tha leh zung tam tak an lo seng tawh bawk a ni.

     Pu Lalrinzuala, EE DHT, Kolasib in lawmthu sawina hun hmangin, Bilkhawthlir PHC a thawktute inpekna nasat zia chu fakin, Khawtlang nu leh pa chan chang Bilkhawthlir VC North & South te, Jt. YMA leh MHIP te chungah lawmthu a sawi a, hun lo kal zel turah pawh hetiang a thawhhona tha nei zel tur hian a sawm bawk a ni. District Health Team, Kolasib atang hian DR.RK.Lalthlamuana, Sr.CMO, Pu Lalrinzuala, EE, Pu F.Zothankima, Stats. Asst. leh Lalramngaihawmi, QA te an kal a ni.