Nimin 24th January, 2024 (Nilaini) khan USAID lama hotute, Piramal Foundation leh Jhpiego hotuten Kolasib District an rawn tlawh a, State TB Cell atangin Jhpiego staff leh Piramal Foundation staff ten an rawn tawiawm bawk a ni. An rawn kal chhan tak hi TB Free Mizoram hmalakna tur awm thei te Sr.CMO sawipui turin an lo kal a ni.

     AB HWC (Ayush SHC-HWC) Thingdawl tlawh hmasa ber in, an dinhmun leh kaldan te enfiah pui an ni a, hemi hmunah hian ASHA, Pastor, SHG, TB damdawi ei lai leh raipuar te kawmna hun neih a ni bawk. An khawtlang dinhmun leh hriselna kawnga an hmalak dan te sawiho a ni a, damlo an enkawl dan leh harsatna awm thei te an sawipui bawk. 

     Hemi hnu hian Dr.RK.Lalthlamuana, Sr.CMO nen inkawmhona neih niin, Hmalakna awm thei sawipui a ni. CTD, Piramal Foundation leh Jhpiego te tangho hian 2024 chhungin Kolasib district ah Active Case Finding neih tura ruahman a ni a. Khaw hrang hrangah kalchhuaka, TB zawnchhuah na neih tur a ruahman a ni. He hmalaknaah hian TB screening leh Sputum collection bakah, X-ray thlenga ti tura ruahman a ni. 

     Kum 2025 hma a TB umbo a nih theih nan hmalakna awm thei te Sr.CMO hi an rawn sawipui a, mamawh leh tul TB do remna kawnga anngaih te sawiho a ni bawk. CMO ho a inbiakna a zawh hnuin, DTC lamah lut lehin TB champion leh DTC staff te titi puiin, TB doremna kawnga hmalak dan tur te sawiho leh a ni. Hemi hnu hian Community Influencer Pu T Lalrinzuala -VCP Venglai East hmuhpui leh in, an venga TB dinhmun leh hriselna kawnga an harsatna te sawipui leh in Kolasib a an hun hman chu an khar a, Aizawl lam panin an haw leh nghal a ni.