Vawiin ni 13th September, 2023 (Nilaini) hian Ayushman Bhava launching programme chu hman a ni.
He programme hi National level-ah Droupadi Murmu, President of india chuan chhun dar 12:00 khan a hawng a. State level-ah Governor in dar 12:40 pm khan aa hawng leh nghal a. Chumi hnu-ah District hrang hrangah hawnna inkhawm neih a ni.
Kolasib District-ah chuan chawhnu dar 2:30 pm khan Sewa Pakhwada Ayushman Bhava campaign na hnuai-ah District Medical Superintendent Conference Hall ah hawnna hun hi hman a ni. Hawnna hun tawite neihnaah hian Dr.Zonunsiama, Deputy Chief Medical Officer in kaihruai in, Dr.RK.Lalthlamuana, Senior Chief Medical Officer in a hawng a. Dr Lalrawngbawl, Medical Officer, Dist. Hospital Kolasib in Technical report tawi a pe a ni.
He hunah hian Pradhan Mantri TB Mukt Bharat Abhyan lawmman semna neih nghal a ni a, Lawmman hi Pu H.Lalhmingmawia, DLAO, Kolasib Dist chuan a sem a ni. He Sewa Pakhwada hi Ayushman Bhava Campaign na hnuaiah ni 17 sept atang in kal pui tur a ni a, he campaign in a tum bulpui ber chu mi zawng zawng ten hriselna an neih vek theihna tur atan hmalakna Health for All a ni ber a, chutah chuan Health mela te Health & Wellness Centre zawng zawngah buatsaih tur niin Abha ID creation, PMJAY registration, Malaria, TB screening, NCD screening leh Health programe hrang hrangte mipui ban phakah chhawp chhuahsak tur a ni. He campaign kal zel hian December ni 31 thleng awh tur a ruahman a ni.
