Nimin ni 14.3.2024 (Thawhlehni) khan Lungdai PHC ah Lungdai leh Bukpui PHC hnuai leh Health & Wellness Centre leh Sub Centre a Health staff thlan bik te tan Ayushman Bharat Digital Mission (ABDM) training neih a ni a, he hun hi Dr. RK. Lalthlamuana, SMO, Kolasib District in kaihruaiin, State lama ADBM Staff Henry Lalduhsaka, Project Manager, ABDM, NHA leh Matilda Lalramchangi, Project Coordinator, ADBM, NHA te bakah Kolasib District ADBM Team aṭangin Lalsangkimi Zote, District Programme Manager (NHM), Jessy Lalrinfela, District Data Manager (NHM) leh F. Zothankima, Statistical Assistant (NHM) ten he hunah hian Training an pe a ni.

Vawiin ni 15.3.2023 (Nilaini) hian I&PR Conference Hall, Kolasib ah Kawnpui leh Bairabi PHC leh HWC leh SC hnuaia staff te tan training hi pek leh a ni a, Dr. Lalawmpuia Chhangte, CMO, Kolasib District in welcome speech sawiin ADBM pawimawhna te sawiin, digital world ah kan awm tawh a, heng hmang hian Health staff te pawh kan in update ve zel a ngaih thu a sawi zawh hnuin training hi neih chhunzawm a ni.

ADBM in a tum ber chu mipuiten Health service awlsam taka an neih theih nan leh Health infrastructure hmasawn na tur te, health facility ten harsatna an neih awlsam tak a chinfel anih theih nan te leh health service providers ten patient te dinhmun dik tak patient history awlsam taka an en zung zung theih nan a ni. ABDM hi mipui te harsatna chinfel nan leh service providers te harsatna chingfeltu tur a ni.

Training hi naktuk ni 16.3.2023 (Ningani) ah neih leh a ni ang a, Kolasib Main Centre hnuaia HWO leh HW te bakah District Hospital a Staff Nurse thlan bik ten an nei ang.

Tin, Zirtawpniah Vairengte CHC ah, Vairengte leh Bilkhawthlir hnuaia Health staff te training pek an ni leh ang