Vawiin ni 22 March 2023 (nilaini) hian Kolasib District Anti Tobacco Squad leh District Food and Drugs Administration tang kawp chuan FSSA Regulation 2.3.4 in a khap angin Gutkha Product (Shikhar etc) check na an nei a. Kolasib Hmarveng leh Venglai area dawr hrang hrang 32 an check zingah heng dan phalloh shikhar leh a kaihhnawih zuar hi dawr 17 lai mai an awm tih man chhuah niin, heng dawr atangte hian Shikhar te hi man nghal a ni. Shikhar leh a kaihhnawih a vaia man khawm zat hi, Shikhar 315 pouches, Vmal 27 pouches leh SS1-184 pouches te niin, an zawrhchhuahna rate hi a vai belhkhawm in Rs 8,361/- a ni. Heng phalloh thilte hi zuar lo turin dawrkaite hriattir zel an ni bawk.